(1)మరీచి కొడుకు కశ్యప ప్రజాపతి. బ్రహ్మదేవుడి కుడి చేతి బొటన వేలి నుండి దక్షుడు అనే పురుషుడు, ఎడమచేతి బొటన వేలి నుండి ధరణి అనే స్త్రీ జన్మించారు. వారు ఇరువురికి వెయ్యి మంది మహా రుషులు జన్మించారు. (2)బ్రహ్మ మానస పుత్రులలో రెండవ వాడైన అంగిరుసున కు, ఉతధ్యుడు, బృహస్పతి, సంవర్తుడు అనే కొడుకులు పుట్టారు. బృహస్పతి దేవతలకు గురువు ఐనాడు. (3).అత్రి అనే మానసపుత్రునికి అనేక మంది మహా మునులు జన్మించారు.(4) పులస్త్యుడు అనే బ్రహ్మ మానసపుత్రునకు, రాక్షసులు జన్మించారు. (5)పులహుడు అనే మానస పుత్రునకు, కిన్నరలు, కింపురుషులు జన్మించారు.(6)క్రతువు అనే మాన సపుత్రునకు పక్షి జాతి పుట్టింది.

ఆదిపర్వ - అధ్యాయ 126

॥ శ్రీః ॥
1.126. అధ్యాయః 126
Mahabharata - Adi Parva - Chapter Topics
విదురస్య వివాహః పుత్రోత్పత్తిశ్చ॥ 1 ॥
వ్యాసస్య వరేణ గాంధార్యాం ధృతరాష్ట్రాద్గర్భోత్పత్తిః॥ 2 ॥
పాండోః పుత్రోత్పత్తౌ చింతా॥ 3 ॥
Mahabharata - Adi Parva - Chapter Text
వైశంపాయన ఉవాచ। 1-126-0x(749)(5530)
అథ పారసవీం కన్యాం దేవకస్య మహీపతేః।
రూపయౌవనసంపన్నాం స సుశ్రావాపగాసుతః॥ 1-126-1(5531)
తతస్తు వరయిత్వా తామానీయ భరతర్షభః।
వివాహం కారయామాస విదురస్య మహామతేః॥ 1-126-2(5532)
తస్యాం చోత్పాదయామాస విదురః కురునందన।
పుత్రాన్వినయసంపన్నానాత్మనః సదృశాన్గుణైః॥ 1-126-3(5533)
తతః పుత్రశతం జజ్ఞే గాంధార్యా జనమేజయ।
ధృతరాష్ట్రస్య వైశ్యాయామేకశ్చాపి శతాత్పరః॥ 1-126-4(5534)
పాండోః కృంత్యాం చ మాద్ర్యాం చ పుత్రాః పంచ మహారథాః।
దేవేభ్యః సమపద్యంత సంతానాయ కులస్య వై॥ 1-126-5(5535)
జనమేజయ ఉవాచ। 1-126-6x(750)
కథం పుత్రశతం జజ్ఞే గాంధార్యాం ద్విజసత్తమ।
కియతా చైవ కాలేన తేషామాయుశ్చ కిం పరం॥ 1-126-6(5536)
కథం చైకః స వైశ్యాయాం ధృతరాష్ట్రసుతోఽభవత్।
కథం చ సదృశీం భార్యాం గాంధారీం ధర్మచారిణీం॥ 1-126-7(5537)
ఆనుకూల్యే వర్తమానాం ధృతరాష్ట్రోఽత్యవర్తత।
కథం చ శప్తస్య సతః పాండోస్తేన మహాత్మనా॥ 1-126-8(5538)
సముత్పన్నా దైవతేభ్యః పుత్రాః పంచ మహారథాః।
ఏతద్విద్వన్యథాన్యాయం విస్తరేణ తపోధన॥ 1-126-9(5539)
కథయస్వ న మే తృప్తిః కథ్యమానేషు బంధుషు। 1-126-10(5540)
వైశంపాయన ఉవాచ।
ఋషిం బుభుక్షితం శ్రాంతం ద్వైపాయనముపస్థితం॥ 1-126-10x(751)
తోషయామాస గాంధారీ వ్యాసస్తస్యై వరం దదౌ।
సా వవ్రే సదృశం భర్తుః పుత్రాణాం శతమాత్మనః॥ 1-126-11(5541)
తతః కాలేన సా గర్భమగృహ్ణాజ్జ్ఞానచక్షుషః॥ 1-126-12(5542)
గాంధార్యామాహితే గర్భే పాండురంబాలికాసుతః।
అగచ్ఛత్పరమం దుఃఖమపత్యార్థమరిందమ॥ 1-126-13(5543)
గర్భిణ్యామథ గాంధార్యాం పాండుః పరమదుఃఖితః।
మృగాభిశాపాదాత్మానం శోచన్నుపరతక్రియః॥ 1-126-14(5544)
స గత్వా తపసా సిద్ధిం విశ్వామిత్రో యథా భువి।
దేహాన్యాసే కృతమనా ఇదం వచనమబ్రవీత్॥ 1-126-15(5545)
పాండురువాచ। 1-126-16x(752)
చతుర్భిర్ఋణవానిత్థం జాయతే మనుజో భువి।
పితృదేవమనుష్యాణామృషీణామథ భామిని॥ 1-126-16(5546)
ఏతేభ్యస్తు యథాకాలం యో న ముచ్యేత ధర్మవిత్।
న తస్య లోకాః సంతీతి తతా లోకవిదో విదుః॥ 1-126-17(5547)
యజ్ఞేన దేవాన్ప్రీణాతి స్వాధ్యాయాత్తపసా ఋషీన్।
పుత్రైః శ్రాద్ధైరపి పితౄనానృశంస్యేన మానవాన్॥ 1-126-18(5548)
ఋషిదేవమనుష్యాణామృణాన్ముక్తోఽస్మి ధర్మతః।
పితౄణాం తు న ముక్తోఽస్మి తచ్చ తేభ్యో విశిష్యతే॥ 1-126-19(5549)
దేహనాశే భవేన్నాశః పితౄణామేష నిశ్చయః।
ఇతరేషాం త్రయాణాం తు నాశే హ్యాత్మా వినశ్యతి॥ 1-126-20(5550)
ఇహ తస్మాత్ప్రజాలాభే ప్రయతంతే ద్విజోత్తమాః।
యథైవాహం పితుః క్షేత్రే సృష్టస్తేన మహాత్మనా॥ 1-126-21(5551)
తథైవాస్మిన్మమ క్షేత్రే కథం సృజ్యేత వై ప్రజా। 1-126-22(5552)
వైశంపాయన ఉవాచ।
స సమానీయ కుంతీం చ మాద్రీం చ భరతర్షభః॥ 1-126-22x(753)
ఆచష్ట పుత్రలాభస్య వ్యుష్టిం సర్వక్రియాధికాం।
ఉత్తమాదవరాః పుంసః కాంక్షంతో పుత్రమాపది॥ 1-126-23(5553)
అపత్యం ధర్మఫలదం శ్రేష్ఠాదిచ్ఛంతి సాధవః।
అనునీయ తు తే సంయఙ్మహాబ్రాహ్మణసంసది।
బ్రాహ్మణం గుణవంతం హి చింతయామాస ధర్మవిత్॥ 1-126-24(5554)
సోఽబ్రవీద్విజనే కుంతీం ధర్మపత్నీం యశస్వినీం।
అపత్యోత్పాదనే యత్నమాపది త్వం సమర్థయ॥ 1-126-25(5555)
అపత్యం నామ లోకేషు ప్రతిష్ఠా ధర్మసంహితా।
ఇతి కుంతి విదుర్ధీరాః శాశ్వతం ధర్మవాదినః॥ 1-126-26(5556)
ఇష్టం దత్తం తపస్తప్తం నియమశ్చ స్వనుష్ఠితః।
సర్వమేవానపత్యస్య న పావనమిహోచ్యతే॥ 1-126-27(5557)
సోఽహమేవం విదిత్వైతత్ప్రపశ్యామి శుచిస్మితే।
అనపత్యః శుభాఁల్లోకాన్నప్రాప్స్యామీతి చింతయన్॥ 1-126-28(5558)
`అనపత్యో హి మరణం కామయే నైవ జీవితం।'
మృగాభిశాపం జానాసి విజనే మమ కేవలం।
నృశంసకర్మణా కృత్స్నం యథా హ్యుపహతం తథా॥ 1-126-29(5559)
ఇమే వై బంధుదాయాదాః షట్ పుత్రా ధర్మదర్శనే।
షడేవాబంధుదాయాదాః పుత్రాస్తాంఛృణు మే పృథే॥ 1-126-30(5560)
స్వయంజాతః ప్రణీతశ్చ పరిక్రీతశ్చ యః సుతః।
పౌనర్భవశ్చ కానీనః స్వైరిణ్యాం యశ్చ జాయతే॥ 1-126-31(5561)
దత్తః క్రీతః కృత్రిమశ్చ ఉపగచ్ఛేత్స్వయం చ యః।
సహోఢో జ్ఞాతిరేతాశ్చ హీనయోనిధృతశ్చ యః॥ 1-126-32(5562)
పూర్వపూర్వతమాభావం మత్త్వా లిప్సేత వై సుతం।
ఉత్తమాద్దేవరాత్పుంసః కాంక్షంతే పుత్రమాపది॥ 1-126-33(5563)
అపత్యం ధర్మఫలదం శ్రేష్ఠం విందంతి మానవాః।
ఆత్మశుక్రాదపి పృథే మనుః స్వాయంభువోఽబ్రవీత్॥ 1-126-34(5564)
తస్మాత్ప్రహేష్యాంయద్య త్వాం హీనః ప్రజననాత్స్వయం॥ 1-126-35(5565)
సదృశాచ్ఛ్రేయసో వా త్వం విద్ధ్యపత్యం యశస్విని।
శృణు కుంతి కథామేతాం శారదండాయినీం ప్రతి॥ 1-126-36(5566)
`యా హి తే భగినీ సాధ్వీ శ్రుతసేనా యశస్వినీ।
అవాహ తాం తు కైకేయః శారదాండాయనిర్మహాన్॥' 1-126-37(5567)
సా వీరపత్నీ గురుణా నియుక్తా పుత్రజన్మని।
పుష్పేణ ప్రయతా స్నాతా నిశి కుంతి చతుష్పథే॥ 1-126-38(5568)
వరయిత్వా ద్విజం సిద్ధం హుత్వా పుంసవనేఽనలం।
కర్మణ్యవసితే తస్మిన్సా తేనైవ సహావసత్॥ 1-126-39(5569)
తత్ర త్రీంజనయామాస దుర్జయాదీన్మహారథాన్।
తథా త్వమపి కల్యాణి బ్రాహ్మణాత్తపసాధికాత్।
మన్నియోగాద్యత క్షిప్రమపత్యోత్పాదనం ప్రతి॥ ॥ 1-126-40(5570)

ఇతి శ్రీమన్మహాభారతే ఆదిపర్వణి సంభవపర్వణి షడ్వింశత్యధికశతతమోఽధ్యాయః॥ 126 ॥

Mahabharata - Adi Parva - Chapter Footnotes
1-126-26 ధర్మసంహితా ధర్మమయీ॥
1-126-30 ధర్మదర్శనే ధర్మశాస్త్రే ఉక్తా ఇతి శేషః। బంధుదాయాదారిక్థహరాః। అబంధుదాయాదాస్తదన్యే॥
1-126-35 ప్రహేష్యామి గతివృద్ధికర్మణో హినోతే రూపం। అద్యేతి క్షిప్రవచనసంయోగాల్లృట్। త్వాం శరణం గతోఽస్మి వర్ధయామి వేతి చార్థః॥
1-126-36 విద్ధి లభస్వ। శారదండాయనేర్భార్యాం॥
1-126-38 గురుణా భర్త్రా। పుష్పేణ ఆర్తవేన నిమిత్తేన స్నాతా॥
1-126-40 యత యతస్వ॥ షడ్వింశత్యధికశతతమోఽధ్యాయః॥ 126 ॥

www.sanatanadharm.com - play store app (sanatana dharm)

"Bharathiya Sanatana Dharm" and Sanatana Dharmam & Dharmo rakshati Rakshitha logo are our trademarks. Unauthorised use of "Sanatana Dharmam & Dharmo rakshoati Rakshitha" and the logo is not allowed. Copyright © sanatanadharm.com All Rights Reserved . Made in India.